Azerixeber.az xəbər verir ki, ləğv edilmiş MTN dövründə xidmətdə məxfiçilik qaydaları pozulduğuna etiraz edən əməkdaş Zaur Əliyev(ad və soyad şərtidir) həbs edilmiş MTN generalı Nizami Şirinovun təzyiqlərə məruz qaldığını və hazırki vaxtadək onu zərərçəkmiş şəxs kimi istintaq orqanı tərəfindən hələdə tanınmamasını bildirib.
Qeyd edək ki, AR Baş Prokurorluğun mətbuat xidmətinin 06 aprel 2021-ci il tarixli məlumatına əsasən Azərbaycan Respublikasının ləğv edilmiş MTN-nin vəzifəli şəxsləri tərəfindən qanunsuz hərəkətlərə məruz qalmalarına dair ayrı-ayrı şəxslərin müraciətləri ilə başlanmış cinayət işi üzrə aparılan istintaq hərəkətləri zamanı həmin Nazirliyin Hərbi əks-Kəşfiyyat İdarəsinin sabiq rəisi Şirinov Nizami Talış oğlunun qeyd olunan vəzifədə işlədiyi müddətdə müxtəlif şəxslərdən MTN-nin Akademiyasına qəbul etdirmək, xidmət yerini dəyişdirmək, habelə tabeliyində olan əməkdaşın işdən çıxarılması üçün müvafiq tədbirlərin görülməməsi, xidmət üzrə ümumi himayədarlıq edilməsi müqabilində 3 halda külli miqdarda rüşvət tələb edərək almasına, 3 halda isə ayrı-ayrı şəxslərin külli miqdarda əmlaklarını və pul vəsaitlərini hədə qorxu ilə tələb edərək ələ keçirməsinə, habelə vəzifə səlahiyyətlərindən sui-istifadə etməsinə əsaslı şübhələr müəyyən edilmişdir.
Redaksiyamıza müraciət edən sabiq MTN əməkdaşı bildirib ki, “təəsüflər olsunki, mən sabiq MTN işçisi təzyiqlərə, hədə-qorxulara məruz qalmağıma, məxfiçiliyin pozulmasına etiraz və dövlət mənafeyini müdafiə etdiyimə görə işdən çıxarıldığıma baxmayaraq aparılan istintaq hərəkətlərində mən zərərçəkmiş şəxs qismində bu günə kimi cəlb edilməmişəm”.
Şikayətçi qeyd edib ki, ləğv edilmiş MTN-nin Hərbi Əks-Kəşfiyyat Baş İdarəsinin rəisi vəzifəsində işləmiş Şirinov Nizami Talış oğl bölmə rəisi Babək(əvvəl adı Bəbəş olub) Məhərrəmovla əlbir olmaqla, ona təzyiqlər göstərməklə, qərəzli şəkildə, şəxsi maraqlar naminə əvvəlcədən düşünülmüş, planlı şəkildə hədə-qorxu gələrək onu işdən çıxarmışlar.
Məxfiçiliyin pozulması faktı ilə bağlı zərərçəkmiş şəxs yuxarı rəhbərliyə yani Nizami Şirinova rəsmi qaydada müraciət etdikdən sonra bölmə rəisi Babək (əvvəl adı Bəbəş olub) Məhərrəmov vasitəsilə mövcud qanun pozuntularını örtbastır etmək məqsədilə sənədi gizlətməklə yandırma yolu ilə məhv etmişlər. Məhz bundan sonra Nizami Şirinov bölmə rəisi Babək (əvvəl adı Bəbəş olub) Məhərrəmov vasitəsi ilə həmin əməkdaşa qarşı amansız təzyiqləri və hədə-qorxuları başlamışdır.
Redaksiyamıza müraciət edən, təzyiqlərə məruz qalmış sabi MTN əməkdaşı bildirir ki, MTN dövründə məxfiçiliyin pozulmasına qarşı etiraz etdiyi və Babək (əvvəl adı Bəbəş olub) Məhərrəmov şəxsi maraqlardan onun tutduğu vəzifəyə öz həmyerlisini gətirilməsi üçün Baş İdarə rəisi Nizami Şirinovla əlbir olmaqla əvvəlcədən düşünülmüş qərəzli şəkildə onu təzyiqlərə məruz qoymaqla işdən çıxarmışlar.
Təzyiqlərə məruz qalmış sabiq MTN əməkdaşı Baş Prokurorluqda başlanmış cinayət işi üzrə aparılan istintaq hərəkətlərində zərərçəkmiş şəxs qismində tanınması üçün Ölkə Başçısından və Baş Prokurorluqdan kömək istədi.
İnanırıq ki, müraciətlə bağlı müsbət qərar qəbul olunacaqdır.
Qarşı tərəfin mövqeyini dinləməyə və dərc etməyə hazırıq.