dogruxeber.tv:- Abşeronda şəhidlərin xatirəsinə futbol turniri keçirilir. Rayon İcra Hakimiyyətinin, Qobu bələdiyyəsinin və Rayon Gənclər və İdman İdarəsinin birgə təşkilatçılığı ilə rayonun Qobu qəsəbəsinin sakinləri arasında futbol turnirinə start verilib. Bununla bağlı qəsəbədəkı futbol meydançasında düzənlənən açılış mərasimində Abşeron Rayon İcra Hakimiyyətinin şöbə müdiri Azər Məmmədov, Gənclər və İdman İdarəsinin rəisi Əsgər Əmirəliyev, Qobu qəsəbə bələdiyyəsinin sədri Araz Nəcəfov, şəhid ailələri və qəsəbə idman sevərləri çıxıçş edərək Azərbaycanın bütövlüyü uğrunda canından keçən şəhidlərimizi anıblar, onların ruhuna dualar oxuyublar.

Qeyd edək ki, turnirdə Qobu qəsəbəsini təmsil edən 5 komanda iştirak edir. Dairəvi sitem üzrə keçirilən yarış iyul ayının 14-də bitəcək. Qaliblərə kubok, medal və diplomlar veriləcək.