[center]
DogruXebər.az : - Avqustun 20-dən başlayaraq, ali təhsil müəssisələrinə qəbul olunmaq üçün ixtisas seçimi aparılır. İnternet vasitəsilə aparılan proses avqustun 30-dək davam edəcək.

Yenisabah.az xəbər verir ki, bu sahədə yaranmış çoxsaylı müraciətləri nəzərə alan Dövlət İmtahan Mərkəzi (DİM) Direktorlar Şurasının sədri Məleykə Abbaszadə bu gün abituriyentlərin suallarını cavablandıracaq.

Məleykə Abbaszadə bu gün saat 15:00-da Dövlət İmtahan Mərkəzinin “Facebook” səhifəsi vasitəsilə suallara cavab verəcək.

DİM sədri II və III ixtisas qrupu üzrə ixtisas seçimi edəcək abituriyentlərə diqqət yetirməli olduqları məsələlər haqqında məlumat verəcək və abituriyentlərin suallarını cavablandıracaq.

İxtisas seçimi ilə əlaqədar olan sualları Dövlət İmtahan Mərkəzinin “Facebook” səhifəsində yerləşdirilən elanın altına yaza bilərsiniz.