Azərbaycan Avtomobil Yolları Dövlət Agentliyi (AAYDA) məhkəməyə verilib.

"dogruxeber.tv" Qaynarinfo-ya istinadən xəbər verir ki, iddiaçı "Araz-Tikinti Servis” MMC-dir. İddia artıq icraata götürülüb. Dekabırın 12-nə hazırlıq iclası təyin olunub. İşə Bakı Kommersiya Məhkəməsinin hakimi Ülkər Həsənovanın sədrliyi ilə baxılacaq.

Məhkəmə çəkişməsinin dəqiq səbəbi barədə açıq mənbələrdə bilgi yoxdur. Bəzi iddialara görə, AAYDA-nın şirkətə borcu var.

"Araz-Tikinti Servis” MMC 2010-cu ildə 14 manat nizamnamə kapitalı ilə yaradılıb. Şirkətin qanuni təmsilçisi Allahverdiyev Şaiq Allahverdi oğludur.

AAYDA-nın rəhbəri isə Saleh Məmmədovdur. O, 2015-ci ildən bu vəzifədədir. Saleh Məmmədov bu vəzifəyə gələndən qurumun adı 2 dəfə dəyişdirilib. 2015-ci ildə "Azəryolservis” ASC adlandırılan qurum 2016-cı ildə "Azəravtoyol” ASC, 2017-ci ildə AAYDA adlandırılıb.