“Biz cari ildə böyük məhdudiyyətlərdən sonra bir çox yumşalmalara getmişik”.

"dogruxeber.tv" APA-ya istinadən xəbər verir ki, bunu Nazirlər Kabineti yanında Operativ Qərargahın brifinqində Azərbaycan Respublikası Prezidentinin köməkçisi – Azərbaycan Respublikası Prezidentinin Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib.

Prezidentin köməkçisi bildirib ki, bütün qərarlar elmi əsaslarla bağlıdır: “Toylarda saya nəzarət etmək daha asandır. Amma yas mərasimlərinə nəzarət etmək, “COVID” pasportlarını yoxlamaq daha çətindir. Yaslarda koronavirusun daha sürətlə yayılması riski daha yüksəkdir. Buna görə də yas mərasimləri ilə bağlı məhdudiyyət qüvvədədir”.