Dövlət Statistika Komitəsi Azərbaycanda qiymət dəyişiklikləri ilə bağlı yeni məlumatları açıqlayıb.

"dogruxeber.tv" Hurriyyet.az-a istinadən xəbər verir ki, apreldə illik qiymət artımı rekord səviyyəyə qalxıb. Belə ki, martda 12,1 faiz olan inflyasiya apreldə 13 faizə yüksəlib.

Qiymət artımının güclənməsinə əsas təsiri ərzaq məhsullarının bahalaşması göstərib. Apreldə qida məhsulları 19,1 faiz artaraq yeni qiymət səviyyəsini müəyyənləşdirib.

Yalnız bir ayda qida məhsulları 1,8 faiz, bu ilin yanvar-aprel dövründə isə 17,9 faiz artıb.

Son bir ildə qeyri-ərzaq malları 7,1 faiz, pullu xidmətlər 10,2 faiz bahalaşıb. Qeyri-ərzaq mallarının mart ayındakı göstəricisi (6,6 faiz) ilə müqayisədə apreldə illik bahalaşma sürəti güclənib.