Azərbaycanda əhalinin sayının 10 milyon 135 min nəfərə çatması Ermənistanda müzakirə mövzusuna çevrilib.

"dogruxeber.tv" publika.az-a istinadla xəbər verir ki, erməni ekspertlər demoqrafik olaraq Azərbaycanla Ermənistan arasındakı fərqin daha da artırmasını ölkələri üçün təhlükə hesab edirlər.

Erməni şərhçi Akop Badalyan yazır ki, Azərbaycan əhalinin sayına görə Ermənistanı 3 dəfə üstələyir: “Bu, bizim üçün təhlükəli perspektiv vəd edir və Ermənistan üçün demoqrafiyanın ən vacib məsələ olduğunu bir daha gündəmə gətirir. Üstəlik, Türkiyəni də unutmamalıyıq və Azərbaycanın 10 milyon əhalisinə 90 milyon Türkiyə əhalisini də əlavə etsək, üç milyonluq Ermənistanın 100 milyonluq güc qarşısında qaldığını görmək çətin deyil”.

Erməni şərhçi qeyd edir ki, Azərbaycan-Ermənistan münasibətlərinin sülh, yaxud müharibə üzərində davam etməsindən asılı olmayaraq, erməni əhalisinin sayının artması talüyüklü məsələdir.