Mayın 19-21-də Yaponiyanın Xirosima şəhərində keçiriləcək sammitdə “Yeddilik” qrupuna (G7) daxil olan ölkələrin liderləri Ukrayna Prezidenti Volodimir Zelenski ilə danışıqlar aparmaq niyyətindədirlər.

"dogruxeber.tv" xəbər verir ki, bu barədə ABŞ prezidentinin milli təhlükəsizlik məsələləri üzrə köməkçisi Ceyk Sallivan məlumat verib.

"Biz Yeddilik Qrupunun liderləri ilə prezident Zelenski arasında müəyyən qarşılıqlı əlaqəni gözləyirik. Bu qarşılıqlı əlaqənin parametrləri hələ də işlənir. Ona görə də, bu məsələ ilə bağlı daha çox məlumat əldə etdikdən sonra məsələ ilə bağlı hesabat verəcəyik.”, - Amerika liderinin müşaviri bildirib.