"dogruxeber.tv"ın msn.com-a istinadən məlumatına görə, Qrunt sularından o qədər çox istifadə olunub ki, yeni araşdırmaya görə, Yerin fırlanma oxu cəmi 20 il ərzində təxminən 80 sm şərqə doğru dəyişib.

Amerika Geofizika İttifaqının tədqiqatçıları qrunt sularının həddindən artıq istehlakı nəticəsində Yerin fırlanma oxunun 20 il ərzində 80 sm şərqə doğru dəyişdiyini müəyyən ediblər. Qrunt sularının təsiri olmadan belə bir dəyişikliyin mümkün olmayacağını qeyd edən tədqiqatçılar bunun üçün yerin altından ən azı 2 trilyon ton suyun çəkildiyini təxmin ediblər. Qrunt sularından içməli və kənd təsərrüfatının suvarılması kimi məqsədlər üçün istifadə olunur. Mütəxəssislər sudan istifadənin Yer kürəsinin hərəkətinə necə təsir etdiyini izah edir: Planetdə suyun paylanması çəkinin necə paylanmasına təsir edir. Su hərəkət etdikcə Yer bir az fərqli fırlanır.

Mövsümlər təsir edirmi?

Tədqiqat 1993-2010-cu illər arasında aparılan ölçmələrə əsaslanıb. Tədqiqata rəhbərlik edən Seul Milli Universitetinin geofiziki Ki-Veon Seo bildirib ki, bu, yeraltı suların səpələnməsinin spin qütbünün yerdəyişməsinə təsir etdiyini sübut edir. Cənubi Koreyalı alim əlavə edib ki, Yerin fırlanma qütbü əslində çox dəyişkəndir. İlk dəfə 2016-cı ildə suyun əslində Yerin fırlanmasını dəyişdirə biləcəyi aşkar edilib, lakin qrunt sularının buna təsiri indiyədək müşahidə olunmayıb. Digər tərəfdən, Yer oxundakı yerdəyişmənin fəsillərə təsir edib-etməyəcəyi ilə bağlı açıqlama verən NASA, fırlanma oxunun ildə bir neçə metr dəyişdiyini, qrunt sularından qaynaqlanan dəyişikliyin isə fəsillərin dəyişməsinə səbəb olmayacağını bildirib.

dogruxeber.tv
Fatimə Kamalqızı