ABŞ prezidenti Co Bayden NATO-nun Vilnüs sammiti çərçivəsində həmkarı Vladimir Zelenski ilə görüşəcək.

"dogruxeber.tv"ın pravda.com.ua-ya istinadən məlumatına görə, bunu sammitdə jurnalistlərə ABŞ prezidentinin milli təhlükəsizlik üzrə müşaviri Ceyk Sallivan deyib, AFP xəbər verir .

Rəsminin qeyd etdiyi kimi, dövlət başçıları çərşənbə günü, iyulun 12-də görüş keçirəcək.

Sallivanın sözlərinə görə, NATO Ukrayna üçün islahatlar yolunu müəyyən edəcək ki, o, nəhayət Şimali Atlantika Alyansına qoşula bilsin, lakin heç bir “cədvəl” olmadan.

"Ukrayna üçün islahatlar yolu hazırlanacaq, lakin mən qrafik təyin edə bilmərəm", - o, aydınlıq gətirib.

Bundan əvvəl ABŞ prezidenti Co Baydenin Vilnüsdə Şimali Atlantika Alyansının sammiti çərçivəsində Türkiyə Prezidenti Rəcəb Tayyib Ərdoğan və Ukrayna Prezidenti Vladimir Zelenski ilə iki yüksək səviyyəli ikitərəfli görüş keçirəcəyi bildirilirdi.

Politico-nun yazdığı kimi, Bayden Zelenskini inandırmağa çalışacaq ki, bir sıra bürokratik əngəllərin və islahatların aradan qaldırılması, həmçinin ABŞ və bəzi NATO müttəfiqlərindən “əhəmiyyətli təhlükəsizlik öhdəlikləri” Kiyevin bu il Vilnüsdə əldə edə biləcəyi maksimumdur.

Xatırladırıq ki, prezident Vladimir Zelenski bazar ertəsi axşam çıxışında Vilnüsdə Şimali Atlantika Alyansının sammitində iştirakını faktiki olaraq təsdiqləyib .

O, həmçinin bildirib ki, NATO sammitinin yekun sənədində Ukrayna ilə bağlı konkret redaksiyanın işlənməsi hələ başa çatmayıb .

dogruxeber.tv
Anarə Muhəmməd