"dogruxeber.tv" bildirir ki, Mydrivers iPhone 15, iPhone 15 Plus, iPhone 15 Pro və iPhone 15 Pro Max modellərinin fotolarını dərc edib. Xarici görünüşünə görə aydın olur ki, yeni smartfonların dizaynı əsasən qorunub, lakin ekran çərçivəsi daha da kiçilib.

Qeyd edək ki, Apple öz cədvəlinə sadiq qalaraq yeni telefonlarını sentyabrın birinci yarısında təqdim edərsə, iPhone 15 seriyasının təqdimatına iki aydan da az vaxt qalıb.

Bir çox aksessuar istehsalçıları artıq yeni telefonun dəqiq ölçülərini, həmçinin qoruyucu qutuların və şüşələrin hazırlanmasında istifadə olunan 1:1 miqyaslı maketləri əldə ediblər.


15 seriyasındakı dörd modelin hamısı Dinamik Ada çentikinə sahib olacaq, lakin iPhone 15 və iPhone 15 Plus 60Hz displeyini saxlayacaq. Bu seriyadakı dörd modelin hamısında USB-C konnektoru da olacaq.

iPhone-da uzun müddətdir istifadə edilən səssiz açarı Pro versiyalarında düymə ilə əvəz olunacaq.


Bundan əvvəl bütün modellərin akkumulyator tutumunun artacağı məlum olub.

dogruxeber.tv
Jalə Asiman