Türkiyə prezidenti Rəcəb Tayyib Ərdoğan Fələstin prezidenti Mahmud Abbas ilə Fələstin torpaqlarında baş verən hadisələri, İsrailin Cenin və İordan çayının qərb sahilinə son basqınlarını və Fələstindaxili dialoqu müzakirə edib.

Ərdoğan Abbası Ankaradakı prezident sarayında rəsmi mərasimlə qəbul edib və çərşənbə axşamı qapalı iclas keçirib, daha sonra nümayəndə heyətləri də onlara qoşulub.

Abbas Ankaraya bazar ertəsi iki günlük səfərlə gəlib və bu İsrailin zorakılıqları və Fələstin ərazilərinə hücumlarının yenidən artması ilə bağlı qorxuların artdığı bir vaxta təsadüf edib.

Fələstinin Türkiyə səfiri Faed Mustafa bildirib ki, Abbas və Ərdoğan arasındakı danışıqların gündəmində İsrailin artan hücumları var.

Ankara eskalasiyanın zorakılığın yeni mərhələsinə gətirib çıxaracağından narahatdır.

Diplomatik mənbələr Abbasın səfərinin İsrailin baş naziri Binyamin Netanyahunun xəstəxanaya yerləşdirilməsindən və kardiostimulyator taxmaq üçün cərrahiyyə əməliyyatından sonra təxirə salınan planlaşdırılan səfərindən əvvələ təsadüf etdiyini bildirib.

- Türkiyənin Regional rolunun aktivləşdirilməsi

"dogruxeber.tv"ın “Asharq Al-Awsat”a istinadən verdiyi məlumata görə, Ankara seçkilərdən sonra Misir və Səudiyyə Ərəbistanı başda olmaqla, ərəb körfəzi ölkələri ilə münasibətlərin normallaşdırılması və yaxşılaşdırılması üçün mühüm addımlar atdıqdan sonra xarici siyasətini canlandırmaq və regional rolunu aktivləşdirməyə diqqət yetirib.

Onlar əlavə ediblər ki, Ankara Türkiyə-Fələstin dialoqunun daha real əməkdaşlıq üçün qapılar aça biləcəyinə inanaraq, regional problemlərin, xüsusilə İsrail-Fələstin münaqişəsinin həllində daha fəal olmaq istəyir.

Mənbələr Türkiyənin bu addımının İsraillə münasibətlərin normallaşmasının inkişafından təsirlənməyəcəyini vurğulayıb.

Mənbələr Abbasın səfərinin Türkiyə üçün İsraillə normallaşma prosesinin Fələstinlə münasibətlərinə xələl gətirməyəcəyini təsdiqləmək üçün bir fürsət olduğunu qeyd edib.

Abbas-Ərdoğan görüşü Misirdə Fələstin fraksiyalarının katibləri arasında barışığı bərpa etmək məqsədi daşıyan danışıqlardan bir həftə əvvəl baş tutub.

- Həmas və İslami Cihad

Səfərdən əvvəl FƏTH-in Qəzzadakı sözçüsü Monzer Hayek, Abbasın Türkiyəyə səfəri zamanı HƏMAS rəhbərliyi ilə görüşəcəyini açıqlayıb.

Fələstin Muxtariyyətinin (PA) siyasi məhbusları azad etməsini şərtləndirən İslami Cihad hərəkatından fərqli olaraq HƏMAS görüşdə heç bir şərt olmadan iştirak etməyə razılaşıb.

Mənbələr “Şarq Əl-Avsat”a bildiriblər ki, Fələstin dialoqu məsələsi Ərdoğan və Misir prezidenti Əbdülfəttah əs-Sisi arasında keçiriləcək görüşə daxil ediləcək.

Həmasdakı mənbə Almaniya xəbər agentliyinə bildirib ki, görüş Abbasın Ankarada Ərdoğanla görüşündən sonra Türkiyənin himayəsi altında keçiriləcək.

O bildirib ki, Abbas və hərəkat rəhbərliyi arasında keçiriləcək görüşdə HƏMAS-ın İsrailin hücumları qarşısında Fələstinin hərəkətlərini birləşdirmək üçün dəqiq mexanizmlərlə gündəm hazırlamaq səyləri fonunda görüşün uğuru üçün tələblər müzakirə olunacaq.

Bazar ertəsi HƏMAS Fələstin qrupları ilə ikitərəfli görüşlər keçirərək baş katiblərin görüşünün uğurunu təmin etmək yollarını müzakirə etdiyini və vahid baxışı razılaşdırdığını açıqlayıb.

İyulun 30-da Misirdə Fələstin fraksiyalarının toplantısı keçirilməlidir.

Abbas iyulun əvvəlində İsrailin İordan çayının qərb sahilindəki Cenin düşərgəsində 12 fələstinlinin ölümü və onlarla insanın yaralanması ilə nəticələnən hərbi əməliyyatından sonra görüşü çağırıb.

Misir illərdir ki, 2007-ci ildən bəri davam edən daxili parçalanmaya son qoymaq üçün Fələstin fraksiyalarının iclaslarına ev sahibliyi edir, lakin bir sıra razılaşmalar və anlaşmalar həyata keçmək üçün öz yolunu tapmayıb.

dogruxeber.tv
N.Məmərli