ABŞ Prezidenti Donald Trumpın iştirak etdiyi "Ağ Ev Müxbirləri Birliyi" (White House Correspondents' Dinner) tədbiri zamanı ona qarşı həyata keçirilməsi planlaşdırılan sui-qəsd cəhdinin təfərrüatları məlum olub.

DogruXeber.tv xəbər verir ki, hüquq-mühafizə orqanları tərəfindən saxlanılan şübhəli şəxs Kol Tomas Allenin üzərində və mənzilində aparılan axtarışlar zamanı çox ciddi sübutlar əldə edilib. İstintaqın gedişatına görə, Allen hücum planını kağız üzərində ətraflı şəkildə qələmə alıb və hadisəyə ciddi hazırlaşıb. Şübhəlinin yaxınlarına və ailəsinə ünvanladığı vida mesajında "bağışlanacağımı gözləmirəm" ifadələrini işlətdiyi üzə çıxıb.

Hazırda "ABŞ Prezidentinə sui-qəsd cəhdi" ittihamı ilə mühakimə olunan şəxsi ömürlük həbs cəzası gözləyir. Bu hadisə, son üç il ərzində Donald Trumpa qarşı təşkil edilən dördüncü sui-qəsd cəhdi kimi qeydə alınıb və ABŞ-da təhlükəsizlik tədbirlərinin yetərsizliyi ilə bağlı ciddi müzakirələrə səbəb olub.//32gun.az