İŞİD ötən gün Suriyada özünün az tanınan lideri, noyabr ayından bu ekstremist təşkilata rəhbərlik edən Əbu əl-Hüseyn əl-Hüseyni əl-Qureyşinin öldürüldüyünü və onun varisinin adını çəkdiyini elan edib.

"dogruxeber.tv" Aljazeera-ya istinadən bildirir ki, qrup əl-Qureyşinin nə vaxt öldürüldüyünü açıqlamayıb, lakin əlavə edib ki, Heyət Təhrir əş-Şam ilə döyüşdə ölüb. İŞİD-in sözçüsü Əbu Huteyfə əl-Ənsari bildirib ki, qruplaşmanın yeni lideri kimi Əbu Həfs əl-Haşimi əl-Qureyşi seçilib.

Əl-Qüreyşi qruplaşmanın iraqlı yaraqlı Əbu Bəkr əl-Bağdadi tərəfindən qurulduğu və 2014-cü ilin iyununda Suriya və İraqın böyük bir hissəsində qondarma “xilafət” elan etməsindən sonra öldürülən dördüncü İŞİD lideri olub.

Sözçüsü əl-Ənsari səsli mesajında ​​bildirib ki, əl-Qureyşi İdlib əyalətində onu saxlamağa cəhd edərkən müxaliflərin nəzarətində olan Suriyanın şimal-qərbində HTS üzvləri tərəfindən “şəhid olub”.

Əl-Ənsari əl-Qureyşi haqqında deyib ki, - "O, yaralarına tab gətirənə qədər onlarla vuruşdu, əl-Qaidə ilə əlaqəli qrup mərhum liderlə birlikdə olan bəzi İŞİD üzvlərini, o cümlədən başqa bir sözçüsü Əbu Ömər əl-Muhaciri saxladı və onlar hələ də saxlanılır".

dogruxeber.tv
Jalə Asiman