Müğənni və aktrisa Selena Qomez nişanlısı, musiqi prodüseri Benni Blanko ilə nikah öncəsi müqavilə bağlayacaq.

"dogruxeber.tv" xəbər verir ki, bu barədə "Life & Style” mənbələrə istinadən məlumat yayıb.

"Selena Benniyə pərəstiş edir və onların birlikdə olacağına şübhə etmir. Yoxsa onun təklifinə "hə” deməzdi. Ancaq günün sonunda o, özünü, sıfırdan qurduğu və haqlı olaraq fəxr etdiyi, qoruduğu biznesini qorumalıdır. Benni bunu başa düşür və bununla bağlı onunla üz-üzə gəlmək barədə düşünmür", deyə mənbə bildirib.

Mənbə onu da qeyd edib ki, Benni Blanko öz fəaliyyətində kifayət qədər uğurludur, ona görə də sevgilisindən asılı deyil.

Dekabrın 12-də Selena Qomez musiqi prodüseri Benni Blanko ilə nişanlandığını elan edib. Sənətçi "Instagram"da sevgilisinin ona hədiyyə etdiyi üzüklə şəklini yerləşdirib. O

2023-cü ilin dekabrında Selena Qomez Castin Biberin dostu, musiqi prodüseri Benni Blanko ilə görüşdüyünü açıqlayıb. Müğənni sevgilisi ilə çəkdirdiyi fotoları nümayiş etdirib. Hələ 2021-ci ildə Qomez və Blanko "I Can't Get Enough" mahnısı üzərində əməkdaşlıq etməyə başlayıb.