Misirdə yerləşən Giza piramidasında aparılan yeni araşdırma bu qədim abidənin yalnız firon məzarı olmaqla kifayətlənmədiyini, eyni zamanda nəhəng bir enerji stansiyası ola biləcəyini ortaya qoyub.

"dogruxeber.tv" xəbər verir ki, alimlər 4.600 illik bu tikiliyə elektromaqnit dalğaları yönləndirdikdə enerjinin müəyyən otaqlarda və ehramın təməlində cəmləşdiyini aşkar ediblər. Bu isə qədim misirlilərin texnologiya baxımından düşündüyümüzdən daha irəlidə olduğunu göstərən diqqətçəkici bir ehtimal yaradır.

Alimlər arxeoloji abidələrin tədqiqində elektromaqnit dalğalardan istifadə edirlər. Çünki radiasiya maddə ilə özünəməxsus şəkildə qarşılıqlı təsirə girir və bu da tikilinin tərkibi, quruluşu və dinamikası barədə detallı məlumatlar verir. Araşdırmalara əsasən, ehramın şimal şaxtası mikrodalğa və elektromaqnit enerjisini ötürmək üçün nəzərdə tutulmuş boruya bənzər quruluşa malikdir.

Tədqiqatın irəli sürdüyü nəzəriyyəyə görə, qədim misirlilər ehramın içindəki otaqlara iki fərqli kimyəvi maddə yerləşdirərək və bu enerji ilə qarşılaşan hidrogeni qızdıraraq enerji istehsal edə bilmiş ola bilərlər. Alimlər bildirirlər ki, bu quruluşun necə nəhəng və təmiz enerji stansiyasına çevrildiyi hələlik müəmmalıdır. Lakin nəticələr qədim misirlilərin təsəvvür ediləndən qat-qat inkişaf etmiş texnologiyaya sahib ola biləcəyini göstərir.

5.000 il əvvəl bu enerjidən müasir dünyada olduğu kimi kondisionerləri işlətmək, lampaları yandırmaq və ya hava fritözündə kartof qızartmaq üçün istifadə olunmadığı aydındır. Əgər bu nəzəriyyələr doğrudursa, qədim Misir sivilizasiyası müasir enerji anlayışını minillər əvvəl kəşf etmiş və ehtimal ki, bu enerjidən dini mərasimlərdə, dəfn ayinlərində və bayramlarda bir növ "sehr” kimi faydalanıb. Bu da imperatorların və ruhani liderlərin əhali üzərində təsir yaratmaq üçün enerjidən qeyri-adi nümayişlərdə istifadə etdiyini göstərə bilər.