İnternet gündəlik həyatımızın ayrılmaz hissəsidir, amma eyni zamanda fərqində olmadığımız çoxlu təhlükə də gizlənir.

“dogruxeber.tv” olaraq, məlumatların sızmasından tutmuş şəxsi hesabların oğurlanmasına qədər ən geniş yayılan internet risklərini və onlardan necə qorunmalı olduğunu sadə dillə təqdim edirik.

1. Şübhəli linklərə klik etmə.
Tanınmamış mənbədən gələn linklərə tıklamaq virus və ya fırıldaqçı saytlara yönləndirmə riski daşıyır.

“dogruxeber.tv” xəbər verir ki, bu, ən çox rast gəlinən fırıldaq üsullarından biridir. E-poçt və ya mesajla gələn linkləri açmazdan əvvəl mənbəni yoxla.

2. İki mərhələli doğrulama (2FA) aktiv et.
Şəxsi hesablarını (e-mail, sosial şəbəkələr, bank tətbiqləri) qorumağın ən güclü yolu 2FA-dır. Bu üsul hesabına giriş üçün əlavə təsdiq tələb edir və hesabını oğurlanmaqdan qoruyur.

3. Eyni şifrəni bir neçə yerdə istifadə etmə.
Bir saytda şifrən sızarsa, digər hesabların da təhlükə altına düşür. Hər hesab üçün fərqli, güclü şifrə istifadə et və mümkün olsa, şifrə menecerlərindən yararlan.

4. Açıq Wi-Fi şəbəkələrində ehtiyatlı ol.
Kafelər, hava limanları kimi yerlərdə açıq internetdən istifadə edərkən şəxsi məlumat paylaşmamaq və bank əməliyyatları aparmamaq tövsiyə olunur.

5. Tətbiqlərə verdiyin icazələri yoxla.
Bəzi tətbiqlər sənin xəbərin olmadan mikrofon, kamera və ya yer məlumatına giriş icazəsi istəyir. Ayarlardan icazələri idarə edərək şəxsi məlumatlarını qoru.

İnternet həyatımızı asanlaşdırdığı qədər, diqqətsiz olduqda risklərlə doludur.

“dogruxeber.tv” tövsiyə edir ki, bu 5 sadə addımı gündəlik vərdiş halına gətir və onlayn təhlükəsizlik səviyyəni artır.