"Xamenei son dərəcə bilikli və dəqiq bir şəxsiyyət idi. Bu səbəbdən heç vaxt Amerikaya etibar etməyib".

"DogruXeber.tv" xəbər verir ki, bunu İranın mərhum Ali Lideri Əli Xameneinin baş müşaviri və köməkçisi Məhəmməd Mühbər televiziya müsahibəsində deyib.

Onun sözlərinə görə, amerikalılar inqilabın əvvəlindən bəri İranı parçalamağa çalışıblar və bütün resurslarını bu məqsəd üçün səfərbər ediblər: "Bu düşmənçiliyin əsas səbəbi regiondakı böyük iqtisadi maraqlardır.

Amerikalılar və sionist rejimi bütün təbliğat və investisiyalarla məqsədlərinə çata bilməyiblər.

Bizim amerikalılarla heç bir əlaqəmiz yoxdur və danışıqlar üçün heç bir əsasımız yoxdur. Min illər boyu davam edən sivilizasiya göstərir ki, biz müharibədən qorxmuruq.

Ailələri dağıntılar altında parça-parça olan insanlar, yaxınlarının cəsədlərini dağıntılar altından çıxaranda rejimə qarşı şüarlar səsləndirmək əvəzinə, Amerikaya qarşı qışqırırlar".

O, xalqı qələbəyə inanmağa çağırıb: "Xalq həqiqətən də sistemin yanındadır. İnsanlar əmin ola bilərlər ki, bu müharibə qələbə ilə başa çatacaq.

8 illik müharibədə ölkəyə 40 il zəmanət verildi. Əminəm ki, xalqın yaşadığı bu çətinliyin nəticəsi 100 illik rahatlıqdır. Strateji müzakirələr və özünəinam düşməni ümidsizliyə salır" .