​“DogruXeber.tv” informasiya portalının baş redaktoru, jurnalist Kamal Əsgərov “Facebook” səhifəsində səhiyyə ilə bağlı maraqlı fikirlər bildirib.

Aprelin 17-də Anar Bayramovun TƏBİB-in icraçı direktoru vəzifəsinə təyin olunmasından sonra başlanan kadr dəyişiklikləri cəmiyyətdə ciddi müzakirələrə səbəb olub. Aparılan islahatlar ümumilikdə müsbət qarşılanır və bir çoxları tərəfindən gecikmiş, lakin zəruri addım kimi qiymətləndirilir.

Qeyd etməliyik ki, DoğruXeber.tv olaraq bu gün vəzifədən azad edilən bəzi rəhbər şəxslər – o cümlədən Nurəngiz Bəşirova, Səkinə Sadıxova və digərləri ilə bağlı vaxtilə dəfələrlə ictimaiyyətə məlumatlar təqdim etmişdik. Həmin materiallarda onların fəaliyyətində yol verilən nöqsanlar, eləcə də bir qrup tibb işçisinin açıq narazılığı və etirazları yer almışdı.

Xüsusilə Səkinə Sadıxova ilə bağlı yayımlanan məlumatlar cəmiyyətdə ciddi rezonans doğurmuşdu. Onun fəaliyyəti ilə əlaqədar maliyyə pozuntuları iddiaları üzrə aparılan araşdırmaların nəticəsiz qalması, daha sonra isə yenidən rəhbər vəzifəyə təyin olunması ictimaiyyətdə suallar və narahatlıq yaratmışdı.
Bu baxımdan, hazırda həyata keçirilən kadr dəyişiklikləri yalnız inzibati qərar deyil, eyni zamanda illərdir səsləndirilən narazılıqlara verilən gecikmiş reaksiya kimi də dəyərləndirilir.

https://dogruxeber.tv/2025/12/05/aradrlan-rhbr-yenidn-vzifd-tbb-in-kadr-siyastind-nlr-ba-verir.html

https://dogruxeber.tv/2020/09/26/xocavnd-rayon-cra-bas-v-qarda-haqqnda-maraql-mlumatlar-vdeo.html

https://dogruxeber.tv/2022/03/30/beylqan-xstxanasnn-ba-hkimini-nrngiz-birova-tyin-etdirib.html

https://dogruxeber.tv/2021/11/01/beylqann-ba-hkimi-il-bal-ok-dda-bel-deyirlr.html

Anar Bayramovun sərgilədiyi mövqe, atdığı addımlar cəmiyyətdə ədalətli yanaşma kimi qəbul olunur və təqdirlə qarşılanır. İctimai rəy belə bir qənaətdədir ki, səhiyyə sistemində başlanmış bu dəyişikliklər davamlı olarsa, yaxın gələcəkdə sahədə müsbət dönüşə səbəb ola bilər.