Amerikanın Orlando şəhərində (Florida ştatı) polis məşhur müğənni Lana Del Reyin oğurlanması cəhdinin qarşısını alıb.

Bu barədə yerli polisin “Twitter” səhifəsində məlumat yerləşdirilib.

Bildirilir ki, Maykl Hant adlı şəxs müğənnini konsert zamanı oğurlamağı planlaşdırıb. Həmçinin onun üzərində silah olub. Şübhəli şəxs fevralın 2-də Orlandodakı “Amway” mərkəzi yaxınlığında müğənniyə yaxınlaşmazdan öncə saxlanılıb.

Lana Del Rey – amerikalı müğənni və mahnı müəllifidir. O, öz karyerasına 2004-cü ildə başlayıb və ilk olaraq Bruklinin (Nyu-York şəhəri) gecə klublarında çıxış edib. 2017-ci ilə olan məlumata görə, müğənni ondan çox müxtəlif nüfuzlu mükafata layiq görülüb/Oxu.Az