Şəkidə 13 yaşlı oğlanı ilan sancıb.


APA-nın Şəki-Zaqatala bürosunun məlumatına görə, iyunun 26-da saat 22.00 radələrində rayonun Çayqaraqoyunlu kənd sakini, 2005-ci il təvəllüdlü Rəmzi Elçin oğlu Mahmudov ilan sancması xəsarəti ilə Şəki Mərkəzi Rayon Xəstəxanasına (MRX) daxil olub.


MRX-dan APA-ya bildirilib ki, Rəmzi Mahmudov ailəsinə məxsus ot sahəsində işləyən zaman ilan qəfildən onun sağ ayağın topuq nahiyəsindən sancıb. Xəstəxananın reanimasiya şöbəsinə yerləşdirilən Rəmzi Mahmudova lazımi tibbi yardım göstərilib, ilan zəhəri əleyhinə zərdab vurulub. Vəziyyəti orta-ağır qiymətləndirilir