İran-ABŞ müharibəsindən sonra Tehran rejiminin daxilində fikir ayrılığı meydana gəlib.

DogruXeber.tv xəbər verir ki, buna səbəb idarəçiliyin SEPAH generalları və onların himayə etdiyi şəxslər tərəfindən götürülməsidir.

Maraqlı məqamlardan biri də odur ki, müharibədən sonra İrandakı mühafizakar qanadın rəhbəri olan, SEPAH-ın keçmiş komandanlarından biri Səid Cəlili ön plana çıxıb. O, hazırda ölkənin idarə edilməsində əsas fiqurlardan biri hesab olunmağa başlayıb.

Son prezident seçkilərində Məsud Pezeşkiana uduzan Cəlili, parlamentdə deputat yeri qazansa da, yaratdığı “Dirçəliş Cəbhəsi” Hərəkatı vasitəsi ilə öz mövqelərini qorumağa nail olmuşdu. Lakin müharibə onun daha da parlamasına səbəb olub.

Fikir ayrılğına gəlincə isə Cəlili Qalibafla həm idarəçilik məsələsində, həm də ABŞ-la danışıqlar mövzusunda əks mövqedədir. İran mediasının yaydığı xəbərə görə, ötən gün İran parlamentinin spikeri Məhəmməd Baqer Qalibaf müşavirləri ilə keçirdiyi iclasda Cəlili və onun tərəfdarlarını, xüsusən də Əmir Hüseyn Sabetini kəskin tənqid edib. Bildirilir ki, spiker hər iki şəxsi “ekstremist yarımhərbi qüvvələr” adlandırıb. Ardından isə onların “İranı məhv edəcəkləri” barədə xəbərdarlıq edib.

Qalibaf vurğulayıb ki, bu “hərbi cərəyan” vəziyyətdən istifadə və fundamentalistləri dəstəkləyən ictimai qurumu təhrik etməklə ABŞ ilə danışıqlara və razılaşmalara qarşı müqaviməti gücləndirməyə çalışır. O, həmçinin özünün parlament sədrliyindən və Əraqçının isə XİN başçısı vəzifəsiindən uzaqlaşdırılması ilə bağlı narahatlığını bildirib.//Tribuna.az