Macarıstanın müdafiə naziri Romulus Rusin-Sendi Rusiyadan uzaqlaşmağın vacibliyini bildirib.

DogruXeber.tv xəbər verir ki, onun sözlərini “Telex” sitat gətirib. Romulus Rusin-Sendi deyib: "Macarıstan müttəfiqləri ilə etimadı bərpa etməlidir və Rusiyaya gəldikdə, biz qapını bağlayırıq".

Bu kəskin bəyanat Macarıstan xarici işlər naziri Anita Orbanın bir neçə gün əvvəl yayımladığı xəbərə ziddir. O, "Corriere della Sera"ya verdiyi müsahibədə Rusiyanı "mühüm Avropa gücü" adlandırdı və suveren dövlətlər arasında praqmatik dialoqun zəruriliyində israr edib.

Bu tonda dəyişiklik, bir gün əvvəl Budapeşt üçün on milyard avroya qədər maliyyə yardımı paketini təsdiqləyən Avropa Birliyinin qərarından sonra baş verib. /Müəllif: Tural