2024-cü ilin noyabrından 2025-ci ilin oktyabrına qədər Ukrayna 52 milyard dollar xarici maliyyə yardımı alıb. Bunun 22,9 milyard dolları dondurulmuş Rusiya aktivlərindən əldə olunub.

"DogruXeber.tv" xəbər verir ki, bu barədə Ukrayna Milli Bankı məlumat yayıb.

Avropa İttifaqı və G7 ölkələri ERA proqramı çərçivəsindəki 30 milyard dollarlıq paylarını demək olar ki, tam istifadə edib. ABŞ isə Donald Trampın hakimiyyətə gəlməsindən sonra birbaşa maliyyəni dayandırıb. 2024-cü ilin noyabr-dekabr aylarında Kiyev 16,1 milyard dollar alıb, əsasən sosial öhdəliklərə xərclənib.

Ukrayna, həmçinin daxili borclanmanı artırıb — son 12 ayda bu məbləğ 2,9 milyard dollar təşkil edib və üçdə ikisi son altı ayda yaranıb.

Oktyabrın əvvəlində Macarıstanın Baş naziri Viktor Orban bildirib ki, Avropa İttifaqının Ukraynaya dəstəyi artıq təxminən 175-180 milyard avroya çatıb və gələcəkdə artmağa davam edəcək.