Artıq iki gündür Tehran Universitetinin tələbələri etiraz aksiyalarına başlayıblar. Tribunainfo.az xəbər verir ki, İranın sabiq baş naziri, keçmiş prezidentliyə namizəd Mirhüseyn Musəvinin ev dustaqlığının ləğv edilməsini tələb və onun qızının universitetdən çıxarılmasına etiraz edən tələbələrə dünən təhlükəsizlik qüvvələri hücum edib.

İlkin məlumata görə, toqquşma zamanı tələbələrdən biri öldürülüb. Bu hadisə Univeristetin bütünlüklə ayağa qalxmasına səbəb olub. Son məlumatlara görə, tələbələr oturaq aksiyaya start veriblər. Onlar “Sən bizim qatilimizsən, SEPAH” və “Tökülən qanı heç nə ilə silmək olmaz” şüarları səsləndiriblər.

"dogruxeber.tv" xəbər verir ki, İranın DİN başçısı dünən təcili toplantı keçirərək, tələbini qətlə yetirən şəxsin tapılaraq, istintaqa cəlb edilməsi barədə göstəriş verib.

Xaricdəki İran təşkilatları isə mütəmadi olaraq bəyanat yayaraq, əhalini Tehran Univeristetindəki aksiyalara dəstək verməyə çağırırlar. Artıq bəzi universitet tələbələri Tehrandakı həmkarları ilə həmrəy olduqlarını açıqlayıblar. Yaxın günlərdə İran universitetlərini etirazlar bürüyəcəyi gözlənilir.