ABŞ və İran arasında danışıqların getdiyi barədə ziddiyyətli xəbərlər var.

"DogruXeber.tv" xəbər verir ki, Ağ Ev adnışıqların getdiyini təsiqləsə də, Tehran bunu təkzib edir.

Belə ki, Ağ Evin sözçüsü Kerolin Livit bildirib ki, İranla danışıqlar davam edir. “Danışıqlar yaxşı gedir. Lakin hər şey heç də mediada yazıldığı kimi deyil”.

Bunun fonunda İran XİN-i açıqlama yayıb ki, ABŞ-la hər hansı danışıq aparılmır. Hətta nazirliyin mətbuat katibi İsmayıl Bəqayi bəyan edib ki, müharibə başlayandan indiyə qədər hər hansı təmas qurulmayıb.

Lakin daha iki ziddiyyətli xəbər var. Tribuna.az xəbər verir ki, Pakistanın XİN başçısı İsmayıl Dar yaxın günlərdə tərəflərin İslamabadda görüşəcəklərini elan edib.

ABŞ prezidenti Donald Tramp isə İrana xəbərdarlıq edib ki, Tehran razılığa gəlməkdən və Hörmüz boğazını açmaqdan imtina edərsə, ABŞ bütün elektrik stansiyalarını, neft quyularını, Xarq adasını və ehtimal ki, duzsuzlaşdırma qurğularını hədəf alacaq.