İsrailin Baş naziri Binyamin Netanyahu Şmuel Ben Ezranı yeni milli təhlükəsizlik müşaviri və Milli Təhlükəsizlik Şurasının rəhbəri vəzifəsinə təyin edib.

DogruXeber.tv xəbər verir ki, bu barədə "Times of Israel" nəşri məlumat yayıb.

Baş nazirin ofisinin məlumatına əsasən, Ben Ezranın ölkənin müdafiə və təhlükəsizlik sahəsində 30 ildən çox iş təcrübəsi var. Rəsmi bəyanatda vurğulanıb ki, o, "Arrow 3" raket əleyhinə müdafiə sisteminin hədəfi məhv edən raket layihəsinin hazırlanmasına rəhbərlik edib və İsrailin müdafiə mükafatının laureatıdır.

Ben Ezra bu vəzifədə özündən əvvəlki müşavir Saxi Haneqbinin istefasından sonra milli təhlükəsizlik müşavirinin vəzifələrini icra edən Gil Rayxı əvəz edəcək. Haneqbi oktyabr ayında Qəzza müharibəsi zamanı siyasət məsələləri ilə bağlı Baş nazirlə fikir ayrılıqları barədə məlumatlar fonunda vəzifəsindən azad edilmişdi./publika