ABŞ və İran arasında gərginlik pik həddə çatmaq üzrədir.

"dogruxeber.tv" xəbər verir ki, dünən ABŞ prezidenti Donald Trampın təhdid dolu bəyanatından sonra durum bir qədər də qəlizləşib.

Belə ki, Tramp hazırda İranla danışıqlar apardıqlarını bəyan edib. Ardından isə bildirib: “Ancaq İranla nüvə razılaşmasına nail olmasaq, bu ölkəni bombalayacağıq”.

ABŞ prezidentinin bu açıqlamasına cavab olaraq, İran prezidenti Məsud Pezeşkian da fikirlərini bölüşüb. O deyib ki, ölkəsi Ağ Evlə danışıqlar aparmağa hazırdır. Lakin Pezeşkian bunun birbaşa deyil, dolayı şəkildə olacağını bildirib. “İran ABŞ-la birbaşa danışıqlar aparmaq fikrində deyil. Vasitəçilərlə danışıqların aparılmasına razıyıq”.

Bu əsnada, ekspertlər maraqlı bir araşdırma aparıblar. Tribunainfo.az xəbər verir ki, onlar ABŞ-ın İranı ələ keçirmək üçün nə qədər qüvvəyə malik olmasını proqnozlaşdırıblar. Ekspertlər deyir ki, ABŞ İranı yalnız bombalaya biləcək. Quru qoşunlarından isə istifadə edə bilməyəcək. Çünki İranın bütün ərazisinə nəzarət etmək üçün ABŞ-a 5 milyon əsgər lazımdır.

Bundan başqa, onlar İranın 86 milyon nəfər əhalisinin, onun da 30 faizinin hərbi səfərbrliyə yararlı olmasını qeyd ediblər.