Rusiyalı iş adamı Roman Abramoviç sahibi olduğu “Çelsi” futbol klubunun satışı ilə əlaqədar “Raine Group” investisiya bankına müraciət edib.

Virtualaz.org Britaniyada dərc olunan “Sunday Times” nəşrinə istinadən xəbər verir ki, eyni zamanda London klubunun təmsilçisi “Çelsi”nin satılmadığını və sahibkarın “bu barədə düşünmədiyini” bildirib. Abramoviçin rəsmi nümayəndəsi məlumatı şərh etməyib və onu “bazar spekulyasiyası” adlandırıb.

Xatırladaq ki, iyun ayının əvvəllərində “Daily Mail” britaniyalı milyarder Cim Retkliffin Roman Abramoviçə “Çelsi”yə görə 2 milyard funt sterlinq (2,22 milyard avro) təklif etməsi haqqında yazmışdı. Nəşr əlavə etmişdi ki, rusiyalı iş adamı həmin təklifi rədd edib.