İngiltərənin Liverpul şəhərində ağılları qarışdıracaq hadisə baş verib.

Milli.Az Haberler-ə istinadən xəbər verir ki, xərçəngə tutulan 70 yaşlı Peter Cavanagh adlı bir kişi rentgen çəkdirmək üçün həyat yoldaşı ilə birlikdə xəstəxanaya yollanıb.

Yaşlı kişi və arvadı rentgenin cavabını görüncə özlərini gülməkdən saxlaya bilməyiblər.

Əvvəllər də qida borusu xərçəngindən müalicə alan 70 yaşlı Peter Cavanagh 3 il sonra qalib gəldiyi xərçənglə yenidən mübarizə aparmaq məcburiyyətində qalıb. Onurğasına təsir edən narahatçılığına görə rentgen çəkdirən kişi nəticəni görəndə 50 illik həyat yoldaşı Tess ilə birlikdə gülməyə başlayıb.

Çünki rentgendə "cocker spaniel" cinsindən olan bir itin siması görünüb. Yaşlı kişi İngiltərə qəzetlərində gündəm olub. Peter Cavanagh "Ailəmlə itin cinsinin "beagle"mı, "spaniel"mi olduğunu mübahisə etdik, amma, məncə, kəsinlilə "spaniel"dir. Burnu düz xərçəngin vücudumu narahat etdiyi yerdədir" deyib.

3 övladı və 20-dən çox nəvəsi olan kişi "Xərçəng xoş bir xəstəlik deyil, ancaq gülümsəməyə və savaşmağa davam etməlisiniz. Ümid edirəm ki, bu hadisə mənimlə eyni vəziyyətdə olan insanların üzünə bir gülüş bəxş etdi. Gülməyə davam etməlisiniz" ifadələrini işlədib.