Azərbaycanda fəaliyyət göstərən 21 sığorta şirkətindən 12-si bu ilin I yarısının yekunlarına dair maliyyə hesabatını açıqlamayıb.

Həmin şirkətlər “A-Qrup Sığorta”, “Atəşgah Həyat Sığorta”, “Atəşgah Sığorta”, “Azərbaycan Səneya Sığorta”, “Azsığorta”, “Xalq Sığorta”, “Qala Həyat Sığorta”, “Qala Sığorta”, “Qala Sığorta”, “Naxçıvan Sığorta”, “PAŞA Həyat Sığorta”, “PAŞA Sığorta” ASC-lər, eləcə də Azərbaycan Dövlət Sığorta Kommersiya Şirkətidir (“Azərsığorta”).
Xatırladaq ki, bunlardan “Naxçıvan Sığorta” həm də 2017-ci ilin yekunlarına dair maliyyə hesabatı verməyib.

Qalan 9 sığorta şirkəti – “AXA Mbask”, “Amrah Sığorta”, “Ata Sığorta”, “Bakı Sığorta”, “Günay Sığorta”, “İpək Yolu Sığorta”, “Meqa Sığorta”, “Rəvan Sığorta” və “Standard Insurance” ASC-lər isə 2018-ci ilin yanvar-iyun aylarının yekunları barədə ictimaiyyəti məlumatlandırıb. Bunlardan 4-ü yarımili mənfəətlə, 5-i isə zərərlə başa vurub.

№ Sığorta şirkətləri Yarımillik mənfəət
(zərər) (mln. manat)
1 “Meqa Sığorta” 2,530
2 “İpək Yolu Sığorta” 1,119
3 “Bakı Sığorta” 0,299
4 “Günay Sığorta” 0,276
5 “Rəvan Sığorta” (0,066)
6 “AXA Mbask” (0,098)
7 “Amrah Sığorta” (0,139)
8 “Standard Insurance” (0,375)
9 “Ata Sığorta” (2,350)

“Report”