BAKI, Azərbaycan, 30 may. DogruXeber.tv-nin məlumatına görə, Niderland Krallığının Şərq Tərəfdaşlığı üzrə xüsusi elçisi Reyn Dekers və Əlaqə üzrə xüsusi elçi Bernhard Kelkes 1-5 iyun tarixlərində Bakı Enerji Həftəsində iştirak etmək üçün Azərbaycana səfər edəcəklər .

Məlumata görə, səfər çərçivəsində Hollandiya nümayəndələri enerji və regional əməkdaşlıq sahələrini əhatə edən bir sıra görüşlərdə iştirak etməyi planlaşdırırlar.

Səfər zamanı hökumət rəsmiləri ilə görüşlərin keçirilməsi, Bakı Enerji Forumunda iştirak, ADA Universitetində təqdimatların təşkili, Orta Dəhliz boyunca fəaliyyət göstərən Hollandiya və Azərbaycan logistika şirkətləri ilə görüşlərin keçirilməsi, Qarabağa səfər və beynəlxalq maliyyə qurumları ilə görüşlər gözlənilir.
Nəşr qeyd edir ki, "Yaxın günlərdə görüşlər haqqında daha ətraflı məlumat paylaşacağıq. İnanırıq ki, bu səfər Azərbaycan və Niderland arasında iqtisadi əməkdaşlıq sahəsində yeni dialoq və tərəfdaşlığın inkişafına töhfə verəcək"./trend.az