Bu kolbasa şirkətləri xalqa Çin “poroşok”u yedizdirir? - İddialar/Şok siyahı
BU GÜN, 14:53
Bu kolbasa şirkətləri xalqa Çin “poroşok”u yedizdirir?Ümumdünya Səhiyyə Təşkilatı (WHO) kolbasa məhsullarının onkoloji xəstəliklər yaratdığı barədə həyəcan təbili çalır.

Cahan.info-nun verdiyi xəbərə görə, bu çağırışlar Azərbaycanda fəaliyyət göstərən və istehsal etdiyi məhsulların təmizliyinə hər zaman şübhələr olan kolbasa şirkətlərini yenidən gündəmə gətirib.

Alimlər həftəyə iki və daha artıq sosiska yeyən qadınların süd vəzi xərçənginə tutulma riskinin dəfələrlə artmasını sübut ediblər.Kolbasa-sosiska məhsullarına əlavə olunan digər zərərli maddə isə fosfatlardır.

Son illər isə kolbasahazırlamaq üçün heyvan tullantılarından və soyadan hazırlanmış protein tozundan istifadə geniş yayılıb.

Məsələ barədə pia.az yazıb ki, bəzi iri kolbasa istehsalçısı sayılan dövlətlərdə ətdən deyil, “poroşok”lardan- protein tozundan hazırlanır. Bu praktikadan istifadə edən dövlətlərin başında Rusiya və Çin gəlir.

Avropa İttifaqı sərhədləri çərçivəsində bu cür “poroşoklar”dan kolbasa hazırlamaq qadağan olunub. Türkiyədə poroşoklardan istifadə qadağan olunsa da, bu qadağalara tam riayət olunmur.

Məlumata görə, Rusiyadan Azərbaycana gətirilən kolbasaların demək olar ki, hamısıÇin məhsulu “poroşok”dan hazırlanıb. Həmin “poroşok”lar Çinin qlobal internet satış şirkəti olan “Alibaba” tərəfindən açıq satışa çıxarılır.

Azad İstehlakçılar Birliyinin sədri Eyyub Hüseynovun fikrincə, yerli məhsulların tərkibində kimyəvi maddələrdən nisbətən az istifadə olunur və bu baxımdan yerli məhsullardan istifadə etmək daha məqsədəuyğundur:

“Kolbasaların tərkibinə daha çox zərərli maddə olan nitratlar vurulur. Bu maddə standartlara uyğun vurulmadıqda sağlamlıq üçün müəyyən təhlükələr törədə bilər.

Nitratın vurulma səbəbi məhsulun yararlılıq müddətini artırmaqdan ibarətdir.Bununla yanaşı, kolbasa və ət məhsullarına dad və rəngverici digər zərərli maddələr də vurulur”.

dogruxeber.tv pia.az-a istinadla verdiyi xəbərə görə, kənd təsərrüfatı eksperti Vahid Məhərrəmovun fikrincə, bu cür ət məhsullardan istifadə edən insanlar zamanla müəyyən xəstəliklərə düçar olurlar:

“Azərbaycanda bu sahədə şəffaflıq yoxdur.Bu gün şəhərdə elə kolbasalar satılır ki, onların 1 kq-ı 2.50 qəpikdir.Bu qiymətə mal, qoyun və ya toyuq əti almaq qeyri-mümkündür.Bu yaxınlarda Belarusun Baş nazirinin köməkçisi Vladimir Semaşko Azərbaycana gəlmişdi. O, bizimlə görüşəndə Belarusun Azərbaycanda mağazasının olduğunu və o mağazada satılan kolbasa və digər ət məhsullarının keyfiyyəti barədə soruşdum. Semaşko bildirdi ki, həmin mağazada satılan məhsullara onların hökuməti cavabdeh deyil.

Çünki o məhsulların istehsalı ilə Belarusiyada azərbaycanlılar məşğul olur.Onu da qeyd etmək istərdim ki, Rusiyadan, Ukrayndan ölkəmizə gətirilən məhsulları da azərbaycanlılar və ya ermənilər istehsal edir”.

Maraqlıdır ki, “Hicaz” MMC, “Hacı Turqay”, “Rosko”, “Russkiy vkus”, “Lider, “Səhliyalı” MMC, “SAB”,“Ovqat” rəsmi səhifələrində əlaqə nömrələri qeyd etsələr də, bu nömrələr formal xarakterlidir. Göstərilən nömrələr ya illərdir işdən çıxmış işçinin nömrəsidir, ya da zəngə heç cavab verilmir.