Rusiya Federasiyasının Başqırdıstan Respublikasının istintaq komitəsi ötən ilin dekabrında respublika ərazisində bir quyuda tapılan 5 nəfərin ölüm səbəbini müəyyən edib.
dogruxeber.tv Rusiya KİV-inə istinadən xəbər verir ki, ekspertiza ailə üzvlərinin hələ 2018-ci ilin dekabrında həlak olduğunu müəyyənləşdirib.
Məhkəmə tibbi ekspertizasının hesabatına əsasən, mexaniki asfiksiya (asfiksiya kəskin tənəffüs çatışmazlığının ən ağır formasıdır. Bu zaman orqanizmə oksigen daxil olmur və karbon qazı xarici mühitə verilmir –red.) iki qadın və üç uşağın ölüm səbəbi olub.
Xatırladaq ki, qətldə ailənin 46 yaşlı atasından şübhələnirlər. İstintaqın versiyasına görə, o özünün 39 yaşlı arvadını, 2 və 6 yaşlarında olan doğma uşaqlarını, 22 yaşlı ögey qızını və onun 9 aylıq uşağını boğaraq öldürüb.
Cinayət haqqında uzun müddət heç kim bilməyib. Onların axtarışı yalnız gənc ananın itməsi haqqında şikayətdən sonra başlanıb. Şikayət onun rəfiqəsi tərəfindən edilib.