Türkiyənin Avropa və dünya çempionu, Azərbaycan əsilli idmançısı Ramil Quliyev Dohada keçirilən “Diamond League”də 200 metr məsafəni 19.99 saniyəyə qət edərək birinci olub.
İdmançı bununla da “Tokio 2020” Yay Olimpiya Oyunlarında iştirak etmək hüququ əldə edib.
Qətərin paytaxtı Dohada Beynəlxalq Yüngül Atletika Federasiyalar Assosiasiyası tərfindən keçirilən “Almaz liqa”nın ilk turunda yarışan Ramil Quliyev bu mövsümün ilk yarışında 20 saniyədən də az nəticə göstərərək birinci olub. Quliyev “Xəlifə” stadiondakı 200 metrlik məsafəni 19.99 saniyəyə qaçaraq ən yaxın rəqibini 0.20 saniyə üstələyərək finiş xəttini birinci keçib.
İdmançı bu dərəcə ilə “Tokio 2020” olimpiadasına vəsiqəni də cibinə qoyub.