Tbilisidə parlament binası qarşısında keçirilən növbəti etiraz aksiyası başa çatıb. Aksiyada tribuna daha çox incəsənət adamlarına verilib.

Aksiyaçılar qarşısında Gürcüstanın tanınmış müğənnisi Nino Katamadze, yazıçılar Davit Qabunia, Erekle Deisadze və digərləri çıxış ediblər. Onlar aksiyanın daxili işlər naziri Giorgi Qaxarianın istefası ilə bağlı tələbinin haqlı olduğunu bildirərək, etirazçılara dəstəklərini ifadə ediblər.

Aksiyanın sonu maraqlı məqamla yadda qalıb. Belə ki, çıxış edən gənclərdən biri sevdiyi qıza tribunadan evlilik təklif edib. Gəncin bu hərəkəti aksiyaçılar tərəfindən alqışlarla qarşılanıb.

Aksiya iyulun 1-də saat 19:00-da bərpa olunacaq. (Report)

* * *20:16 (30.06.2019)

Gürcüstanın paytaxtı Tbilisidə ölkə parlamentinin binası qarşısında növbəti aksiya keçirilir. Sayca onbirinci olan aksiyada az kütləvilik müşahidə olunur.

Aksiyaçılara müxalif Avropalı Gürcüstan və Vahid Milli Hərəkat partiyalarının üzvləri də qoşulub.

Aksiyanın tələbi daxili işlər naziri Giorgi Qaxarianın istefasıdır.

Eyni tələblə parlament binasının önündə quraşdırılmış çadırlarda 5 aksiyaçı bir həftədən çoxdur aclıq aksiyası keçirir.