Bakı şəhərinin Qaradağ rayonunda “Sədərək” ticarət mərkəzinin ərazisində anbarlardan birində baş vermiş yanğının söndürülməsi zamanı polis əməkdaşları da böyük fədakarlıq göstəriblər.

Bu barədə hadisə şahidləri BAKU.WS-in “qaynar xətti”nə bildiriblər.

Yanğının söndürülməsində, eləcə də, insanların ərazidən təxliyyə edilməsində, xəsarət alanlara kömək etməkdə Qaradağ polisi böyük işlər görüblər.

Eyni zamanda ərazidən malların daşınmasında polislərin köməkliyi olub.

Fədakarlıqları zamanı polis əməkdaşlarından halı pisləşənlər də olub. Onlara təcili yardım göstərilib.

Qeyd edək ki, ötən gün “Sədərək” ticarət mərkəzindəki yanğın söndürülüb.

Hadisə zamanı polis, FHN əməkdaşları da xəsarət alıblar.