Ölkəmiz digər ölkələrə nisbətən təbii sərvətlər baxımından zəngindir. Elə bu səbəbdən də qısa zaman ərzində paytaxtda və rayonlarda müasir tipli binalar, geniş və göz oxşayan parklar, əhalinin rahatlığı üçün əyləncə mərkəzləri inşa olunmuşdur. Təbiidir ki, bu quruculuq və yaradıcılıq əhalinin yaşam rifahının yüksək olması üçün görülən işlərdir. Ölkəmizdə bu cür yüksək keyfiyyətli işlərin həyata keçməsi məlumdur ki, ölkə prezidentinin uğurlu siyasətinin nəticəsidir. Bəzi hallarda elə qurumlar, şirkət və müəssisə rəhbərləri var ki, ölkə prezidentinin apardığı uğurlu siyasətə kölgə salır. Ölkə Prezidenti tərəfindən keçirilən müşavirələrdə hər zaman məmurlara ilk töhvəsi xalqa xidmət göstərməsi olmuşdur.

Təəssüflə qeyd etmək olar ki, yuxarıda qeyd olunanların tam əksini müşahidə edirik. Belə ki əksər dövlət qurumları var ki, öhtəsində olan vəzifəni layiqincə icra etmirlər. Belə olduğu təqdirdə isə qurumun işinə məsuliyyətsiz yanaşması xalqın əziyyət çəkməsi ilə nəticələnir.

Bu gün bəhs edəcəyimiz mövzu məhz işinə məsuliyyətsiz yanaşan dövlət qurumlarından biri haqqında olacaq. O qurum ki, Azərişıq açıqsəhmdar cəmiyyətidir(ASC)

Hələ ötən ildə nöqsanlı fəaliyyətləri ilə gündəmi zəbt edən Azərenerji açıq səhmdar cəmiyyəti və Azərişığın göstərdikləri nöqsanlı işlər nəinki ölkə əhalisinin narazılığına, hətta ölkə prezidentinin belə sərt tənqidinə səbəb olmuşdur. Əhaliyə layiqincə xidmət göstərməyən Azərişıq açıq səhmdar cəmiyyəti mərkəzdə və bölgələrdə görməli olduğu işlərinə laqeyd yanaşdıqları üçün bu işdən əziyyət çəkən əhali məcburiyyət qarşısında qalaraq, mətbuata üz tutmalı olurlar.

DoğruXəbər.az informasiya agentliyinin redaksiyasına Azərişıq "ASC" ilə bağlı xeyli sayda şikayət xarakterli müraciətlər daxil olmuşdur. Müraciətlərin böyük əksəriyyəti elektrik dirəkləri və naqillərinin istifadə müddətlərinin bitməsi və elektrik enerjisinin stabil qaydada verilməməsi ilə bağlıdır. Müraciətlərdə qeyd olunur ki sözü gedən problemlər illərdir aidiyyatı qurumlar tərəfindən həll olunmur. Bunun da nəticəsidir ki, yüksək gənginlikli elektrik naqillərinin qırılaraq yerə düşməsi bir çox insanların ölümünə səbəb olub.

Bəs görəsən nə üçün belə olur?

Hansı səbəbdəndir ki, qurumlar öz işlərinə layiqincə yanaşmır?

Hər birimiz bilirik ki, dövlət büdcəsindən hər il bir çox dövlət qurumlarına maliyyə vəsaiti ayrılır. Belə olduğu təqdirdə ayrılan maliyyənin hansı maraqlara xərcləndiyi qaranlıq olaraq qalır. Göründüyündən belə məlum olur ki, Azərişıq açıq səhmdar cəmiyyəti və Azərenerji şəxsi maraqlarını üstün tutaraq, insanların ölümünə belə göz yumur. Bu hələ son deyil, müraciətçilər arasında elə şəxslər var ki, vaxtilə ASC-nin məsul işçilərindən olublar. Növbəti buraxılışımızda diqqətinizə çatdıracağımız məsələ hər kəsi şok edəcək.

1. ASC işçiləri necə istismar etdi?

2. ASC-nin hansı vəzifəli şəxsi vətəndaşların deyil, öz enerjisinin stabil gəlməsi üçün 2 yüksək gərginlikli tranformator qoydurdu?

Qarşı tərəfin mövqeyini dinləməyə hazırıq.