Baş Prokurorluqda yeni yaradılan 961 Çağrı Mərkəzinə vətəndaşlarımız pulsuz zəng edə biləcəklər.

dogruxeber.tv-ın məlumatına görə, bunu jurnalistlərə açıqlamasında Baş Prokuror Zakir Qaralov deyib.

Onun sözıərinə görə, həmin Çağrı Mərkəzini idarə edən şöbə prokurorları prokurorluq əməkdaşlarının qanunsuz əməlləri barəsində şikayətləri qəbul edəcəklər: "Eyni zamanda prokurorluğun fəaliyyət istiqaməti üzrə konkret cinayət işləri, baxılan materiallar və digər şikayətlərin dinlənilməsi həyata keçiriləcək. Bütün proseslər audioyazı ilə təsbit olunacaq. Bütün zənglər barədə Baş Prokurora məruzə olunacaq. Baş Prokuror tərəfindən qərarların icrası bağlı müvafiq tapşırıqlar veriləcək".

Z.Qaralov bildirib ki, bu günə qədər də Baş Prokurorluğun qaynar xəttin əlaqə mərkəzi mövcud olub: "Həmin mərkəz də normal fəaliyyət göstərib. Dövlət başçısının tapşırığı var ki, vətəndaş-məmur münasibətləri tam yeni müstəvidə qurulmalıdır"./Trend