Premyer Liqanın bərpa olunma tarixi ilə bağlı qərar qəbul edilib. dogruxeber.tv “Qafqazinfo”a istinadən xəbər verir ki, mövsüm iyunun 17-də başlayacaq.
Məlumata görə, klublardan təhlükəsizlik tədbirlərinə riayət olunması tələb edilib. Çempionat 28-ci turdan təxirə salınan “Mançester Siti” – “Arsenal” və “Aston Villa” – “Şeffild Yunayted” görüşləri ilə start götürəcək. 30-cu tur iyunun 19-da başlayacaq. Oyunların həftəsonu və azarkeşsiz keçiriləcəyi bildirilir.
Premyer Liqa rəhbərliyindən verilən açıqlamada fanatların oyunları TV-dən izləməsi və mövsüm bərpa olduqdan sonra mərhələli şəkildə hər şeyin normala dönməsinə çalışılacağı qeyd edilib.