Xəbər verdiyimiz kimi bir neçə gündür Tovuz istiqamətində düşmənlə təmas xəttində gedən döyüşlərdə düşmən ordusu ağır itkilər verib.

dogruxeber.tv Moderator.az-a istinadən xəbər verir ki, buna baxmayaraq ermənilər öz itkilərini gizlətməyə çalışırlar. Amma dünəndən onlar ordumuz tərəfindən məhv edilən hərbçilərinin adını açıqlamağa başlayıblar. Həlak olan erməni hərbçilərindən biri də kiçik çavuş Smbat Qabrielyandır.

Onun Geğarkunik bölgəsinin Çəmbərək kəndindən olduğu və hərbi xidmətini başa vurmağa altı ayı qaldığı bildirilir. Ailədə üç qardaş olan S.Qabrielyanın bir qardaşı illər öncə dünyasını dəyişib. Atası və digər qardaşı isə hərbçi, anası isə müəllimədir.

Xatırladaq ki, iyulun 14-də təmas xəttində baş verən atışma zamanı erməni ordusunun kiçik çavuşu S.Qabrielyan ağır güllə yarası alaraq həlak olub.