Çinin Şansi əyalətində ikimərtəbəli hotel binasının ("Xiyuan Hotel") çökməsi nəticəsində ölənlərin sayı 13-ə çatıb, dörd nəfər yaralanıb.
APA-nın xəbərinə görə, bu barədə "Çin Mərkəzi Televiziyası" məlumat verib.
Bundan əvvəl telekanal dağıntılar altından 10 nəfərin olduğunu və 2 nəfərin öldüyünü xəbər vermişdi. Hadisə yerində çalışan xilasedicilər dağıntılar altından 43 nəfəri çıxara bilib, onlardan 13-ü ölüb, daha dörd nəfər ağır yaralanıb.
Hadisə yerində təxminən 710 nəfərin iştirakı ilə axtarış-xilasetmə işləri davam edir.
12:33
Çinin Şansi əyalətində ikimərtəbəli hotelin binası çöküb, ölən və yaralananlar var.
APA-nın xəbərinə görə, bu barədə "Çin Mərkəzi Televiziyası" məlumat verib.
Bundan əvvəl telekanal dağıntılar altından 10 nəfərin olduğunu və 2 nəfərin öldüyünü xəbər vermişdi. Son məlumata görə, hotelin çökməsi nəticəsində 37 nəfər dağıntılar altında qalıb.
Xilasedicilər 33 nəfəri tapıblar, onlardan 5 nəfər ölüb, 1 nəfər isə yaralanıb. Hadisə yerində təxminən 710 nəfərin iştirakı ilə axtarış-xilasetmə işləri davam edir.