Turizm əhəmiyyətli şəhərlərimizdən olan Oğuzun küçələri gecələr işıqlandırılmır.

dogruxeber.tv xəbər verir ki,bu barədə Axar.az-a Oğuz sakinləri bildiriblər. Onların sözlərinə görə, rayonun küçələri axşamlar qaranlığa qərq olur və bu, insanların rahat, təhlükəsiz şəraitdə hərəkət etməsinə maneə yaradır.

Məsələ ilə bağlı saytımıza açıqlama verən Oğuz rayon İcra başçısının müavini Etibar Yusubov bildirib ki, rayon ərazisində bəzi küçələrin işıqlandırılması üçün vəsait kifayət qədər olmadığına görə elektrik xətləri çəkilməyib:

“Hansı küçələrə işıq xətləri çəkilibsə, orada işıqlar yanır. İşıq yalnız xətlər çəkilməyən küçələrdə olmur. Hər il bizə ayrılan büdcə vəsaiti hesabına həm yolların asfaltlanmasını, həm də küçələrin işıqlandırılmasını həyata keçiririk. Bu il 6 küçədə işıqlandırmanı təmin etmişik. Bu 6 küçənin işıqlandırılması prosesi yeni bitib və 2-3 gündür ki, istifadəyə vermişik. Həmçinin səkilər asfaltlanıb və küçədə təmir işləri görülüb. Bununla yanaşı, hələ də işıqlandırılmayan küçələrimiz var. Problemlərin hamısının həlli üçün bizim kifayət qədər vəsaitimiz olmadığından bir ildə onları həll edə bilmirik”.