Avropa İttifaqı Qarabağ və ətrafında gedən genişmiqyaslı hərbi əməliyyatlardan zərər çəkənlərə humanitar yardım ayırmaqla bağlı qərar qəbul edib.

Aİ bu məqsədlə daha 3 milyon avro ayırmaq qərarına gəlib.

Bununla hərbi əməliyyatların başladığı ötən ilin sentyabrından bəri Aİ-nin yardımının məbləği 6,9 milyon avroya çatıb.

“Hərbi əməliyyatların başa çatmasından sonra bölgədəki humanitar vəziyyət ağır olaraq qalır. Soyuq qış və pandemiya bu vəziyyəti bir az da kəskinləşdirir. Aİ buna görə ehtiyacı olanlara yardım edəcək”, – Aİ-nin Böhranların İdarəedilməsi üzrə Komissarı Canez Lenarcic qeyd edib.

Vurğulanıb ki, yardım müharibədən əziyyət çəkən əhaliyə zəruri səhiyyə xidmətləri, psixoloji dəstək, eyni zamanda, qidalanma, sığınacaq, müxtəlif qış əşyaları və digər zəruri ehtiyacların təminatını ehtiva edir./ Azerbaycan24.com