dogruxeber.tv: - Tacikistan Xarici İşlər Nazirliyi öz ölkəsinin vətəndaşlarına müraciət edərək Qırğızıstana hər hansı səyahətdən çəkinməyə çağırıb.

Müraciətdə həmçinin, Qırğızıstan ərazisindən keçməklə digər ölkələrə getməmək tövsiyə edilir. Cebhe.info xəbər verir ki, Xarici İşlər Nazirliyinin saytında dərc edilmiş müraciətdən belə məlum olur. Rəsmi Düşənbə Qırğızıstanın iki ölkə sərhədini bağlamasına cavab olaraq bu addımı atıb. Tacikistanın xarici siyasət idarəsi Qırğızıstan Nazirlər Kabinetinin əvvəlcədən xəbərdarlıq etmədən sərhəddə müvəqqəti məhdudlaşdırma haqqında qərar qəbul etdiyini bildirib. Tacikistan yalnız sərnişinlərə deyil, həmçinin yük və sərnişin daşınması ilə məşğul olan hüquqi şəxslərə, fərdi sahibkarlara Qırğızıstan ərazisindən istifadə etməməyi, üçüncü ölkələr üzərindən alternativ marşrutlarla daşımalarla məşğul olmağı tövsiyə edib.

Qeyd edək ki, Qırğızıstan Nazirlər Kabineti sözügedən məhdudiyyətləri may ayının 21-dən etibarən tətbiq edib. Həmin qərarla Tacikistan vətəndaşlarının Qırğızıstan Respublikası ərazisinə giriş, qalma, hərəkət və tranziti ilə bağlı yeni qaydalar müəyyən edilib. Malların və nəqliyyat vasitələrinin qonşu ölkəyə və əks istiqamətdə keçməsi də məhdudlaşdırılıb. Bunlar Kulundu, Kayrağac, Kızıl-Bel, Bordebo və Karamık avtomobil yollarıdır.

Qırğızıstanın baş naziri Ulukbek Maripov məhdudiyyətlərin Tacikistanla problemli məsələlər həll olunana qədər qüvvədə olacağını deyib. Tacikistan öz addımını mayın 26-da Düşənbədən Bişkekə uçan sərnişin təyyarəsində insidentin yaşanması ilə əsaslandırır. Gəmidə Tacikistanın 177 və digər dövlətlərin doqquz vətəndaşı olub. Məhdudiyyətlər səbəbindən taciklər Qırğızıstan ərazisinə daxil ola bilmədiyindən, təyyarə Düşənbə hava limanına geri dönüb. Qırğızıstan isə yalnız quru yolunu deyil, artıq hava məkanını da Tacikistana uçan təyyarələrin üzünə bağlayıb.

Ona görə də mayın 26-da Tacikistan vətəndaşları Manas hava limanına enə bilmədən Düşənbəyə qayıtmağa məcbur olub. Ulukbek Maripov sərhədlərin müəyyənləşdirilməsi məsələsini yerli sakinlərin köməyi ilə yaxın gələcəkdə demarkasiya məsələlərini həll edəcəklərinə söz verib.