"Azərbaycan Qarabağda Rusiya hərbçilərini rəsmi olaraq sülhməramlı qüvvələr kimi tanımır.

Məhz ona görə də sülhməramlı mandatı sənədinə imza atmır. Çünki Rusiya sadəcə vasitəçi ölkədir. Vasitəçi olaraq sülhün təminində töhfə verməlidir".

dogruxeber.tv Cebhe.info-ya istinadən xəbər verir ki, bunu Milli Cəbhə Partiyasının sədrinin müavini, politoloq Məhəmməd Əsədullazadə deyib.
Onun sözlərinə görə, Rusiya tərəfinin konkret olaraq Qarabağdakı fəaliyyəti Azərbaycana qarşı separatizmə dəstək verməkdən ibarətdir:

"Sentyabrın 2-də Qarabağda qondarma separatçı rejim "müstəqillik" bayramı qeyd edəcək. Ermənistandan yüksək çinli rəsmilərin qatılması gözlənilir. Amma Ermənistan Prezidenti və Baş naziri belə bir "tədbirə" gəlməyi risk etməyəcəklər. Amma Azərbaycan Rusiyadan öz ərazisində Azərbaycanın suverenliyinə qarşı yönəlmiş tədbirə icazə verməməsini tələb etməlidir. Əgər Ermənistan öz yüksək çinli rəsmilərini Qarabağa göndərəcəksə, bu Azərbaycan bunun qarşısını almalıdır.

Ermənistan və Rusiyanın əsas məqsədi status məsələsini gündəmə gətirməklə prosesi böhrana yuvarladacaq. Qeyd edim ki, 2 sentyabrda ABŞ Konqresində Azərbaycana qarşı separatıçılara dəstək veriləcək. Həmçinin ABŞ bəzi ştatları qondarma respublikanı tanıya bilər. Həmçinin, Fransa senatında da ermeni separatçılarına dəstək veriləcək. Azərbaycan ABŞ da ermeni separatçılarına dəstəyini qarşısını mümkün almaq üçün hərəkətə keçməlidir".