Rusiyanın müdafiə naziri Sergey Şoyqu Ukrayna ərazisinə gedərək burada xüsusi hərbi əməliyyatın tapşırıqlarını yerinə yetirən “Cənub” və “Mərkəz” qoşun qruplaşmalarını yoxlayıb.

"dogruxeber.tv" publika.az-a istinadla xəbər verir ki, komanda məntəqəsində S.Şoyqu “Cənub” qruplaşmasının komandanı ordu generalı Sergey Surovikinin və “Mərkəz” qruplaşmasının komandanı general-polkovnik Aleksandr Lapinin, eləcə də digər komandan və komandirlərin hazırkı vəziyyət, döyüş tapşırıqlarının gedişi zamanı rəqibin hərəkətlərinin xarakteri ilə bağlı məruzələrini dinləyib.

Bundan əlavə, S.Şoyqu Rusiya Prezidentinin sərəncamının icrası məqsədilə Rusiya qəhrəmanı adının “Qızıl ulduz” medalını general-polkovnik Aleksandr Lapinə və general-mayor Əsədulla Abaçevə təqdim edib.