Bakıda "Toyota" markalı iki avtomobil yanıb.

Bu barədə "dogruxeber.tv"a Fövqəladə Hallar Nazirliyindən məlumat verilib.

Bildirilib ki, Yasamal rayonunda "Toyota" markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub.

Bundan başqa paytaxtın Nizami rayonunda "Toyota" markalı minik avtomobilinin yanar hissələri yanıb. Yaxınlıqdakı evlər yanğından mühafizə olunub.

Yanğınlar yanğından mühafizə bölmələri tərəfindən söndürülüb.