İranlı diplomat daha bir təxribatçı və ermənipərəst mövqedən çıxış edib. O, 44 günlük müharibə zamanı Ermənistanın əraziyə cəlb etdiyi terror qruplaşmalarını guya Türkiyənin Azərbaycan tərəfi üçün gətirdiyini fərz edib.

"dogruxeber.tv" xəbər verir ki, sözügedən təxribat xarakterli çıxışla iranlı diplomat, İranın Ermənistandakı keçmiş səfiri Seyid Kazım Səccadi özünün "Twitter" səhifəsində video dərc edib.

"Yunanıstan, Kipr, Ermənistan, Suriya və İraqdan sonra Türkiyə indi İran sərhədləri yaxınlığında zərərli hərəkətlər planlaşdırır. Türkiyə bilməlidir ki, odla oynayır", - Səccadi qeyd edib.