"Ukraynadakı hərbi münaqişə Rusiya ilə mümkün müdafiə müharibəsi zamanı Almaniya silahlı qüvvələrinin daha ətraflı və genişmiqyaslı hərbi hazırlığına ehtiyac olduğunu göstərdi".

"dogruxeber.tv" "Lenta.ru"-ya istinadən xəbər verir ki, bu barədə Almaniya Silahlı Qüvvələrinin baş müfəttişi, general Eberhard Zorn “Spiegel” jurnalına müsahibəsində deyib.

"Almaniyaya hücum xəbərdarlıq etmədən baş verə bilər və ölkəyə böyük, bəlkə də ekzistensial ziyan vura bilər. Yerləşdirilən və konkret ssenarilər üçün hazırlanan qüvvələr Rusiyanın hərbi təcavüzünün qarşısını almaq üçün əsas olacaq”, - o, bildirib.